ruit

Ruit, ou Rut, C'est un terme de venerie, qui signifie l'eschauffaison et ardeur d'amour des bestes rousses ou noires, apres leurs femelles pour les saillir, qui leur renouvelle par chacun an, quant aux rousses environ la my- Septembre jusques à la fin de Novembre, et quant aux noires au commencement de Decembre, Libidinatio, ac catulitio ferarum.

Ruit aussi se prent pour la trouppe des bisches apres lesquelles les cerfs courrent en ce temps-là. Fouillous aux 17. Chap. de sa venerie, parlant de l'amour des cerfs, Mais les jeunes (dit-il) ont une grande finesse et malice, qu'alors qu'ils voyent que les vieux sont las du rut et affoiblis de leur force, ils leur courrent sus, et les tuent ou blessent, leur faisans abandonner le rut, et à l'heure sont maistres en leur rang, c'est à dire la troupe et suitte des bisches, Ceruarum catulientium grex. Estre en ruit, quand les bestes sont en chaleur, en amour, Catulire, Equire.

Thresor de la langue françoyse. Jean Nicot.